Состојбата во Авганистан нагло се влоши и освен базите на НАТО и САД, целата територија на државата е под управа на новата талибанска власт, информира министерот за надворешни работи, Бујар Османи.
Тој потсети дека уште во јули е повлечен дипломатскиот и воен персонал, а во саботата е формирана работна група за оние македонски државјани кои се работно ангажирани и во моментов затекнати во Авганистан.
Османи кажа дека е остварен е контакт со компаниите каде македонските државјани работат за да се забрза евакуацијата, а испратени се и формални барања до земјите кои имаат присуство во Авганистан да асистираат во евакуацијата, при што повеќето потврдно одговориле.