Црвен крст на Република Северна Македонија – Општинска организација Струмица во партнерство со Општина Босилово промовира нова услуга Центар за Дневен престој за стари лица со активно стареење во с. Турново.
Целта на центарот е поттикнување на постарата популација во вклучување во социјалните активности кои ќе се реализираат во истиот и тоа:
Стекнување нови вештини во кулинарството;
Хортикултурно уредување на дворно место;
Работилници за изработка на рачни ракотворби;
Психосоцијална поддршка;
Соработка со основните училишта на општината и волонтери на Црвениот крст од клубот на млади за формирање на заеднички секции од областа на литературата, музичкото воспитание и ликовното воспитание;
Организирани екскурзии од едукативен карактер на значајни знаменитости во републиката.
Проектот е поддржан и финансиран од страна на Министерство за труд и социјална политика.
Информации: 070/382-229
