Најуспешните ученици од општинскиот натпревар, денеска се натпреваруваа на регионалниот натпревар за учениците од основните музички училишта.
Младите музичари и нивните ментори од „Боро Џони“ Струмица, се враќаат со десетици први и втори награди.
На натпреварот по пијано, учениците од класата на професорот Александар Бончев освоија први награди и тоа: Сара Витанова, Стојанче Јованов и Васил Јанков.
Во класата на професорката Милка Ганчева, први награди освоија и младите пијанисти: Јован Филев, Димитар Филев и Андреј Филев, додека Тина Иванова освои втора награда.
Во класата на професорката Ленче Мазнејкова први награди освоија младите пијанисти Ана Мазнејкова, Дени Николов и Мартина Пачоова.
Во класата на професорот Зоран Мазнејков први награди освоија младите пијанистки Магдалена Мицева, Јулијана Јанев и Васја Стојанов.
Во класата на професорката Клара Ристова, младата пијанистка Захарија Јованова освои прва награда.
На натпреварот по солфеж, учениците на професорката Ана Тимова освоија први награди: Јован Филев, Андреј Филев и Ивана Мазнејкова.
На натпреварот по солфеж први награди освоија и учениците на професорката Марина Грозданова: Сара Витанова, Васил Јанков и Ана Мазнејкова.
Прва награда по солфеж освои и Славица Томова со професорот Душко Филев.
На натпреварот по гитара, младите гитаристи од класата на професорот Васко Пиличев освоија први награди: Христијан Мираковски и Велјан Дојчинов.
На натпреварот по хармоника, прва награда освои Стојан Коцев со менторот, проф. Петар Стојанов.
На натпреварот по кларинет, двајца ученици на професорот Томе Лазаров освоија први награди: Енес Агушев и Исрафилекбер Ирфаноски.
Следува државниот натпревар за учениците ос основните музички училишта 2019, што ќе се одржи на 12 и 13 април.