Градоначалникот Костадинов информираше дека струмичките кавалери како нова бесплатна услуга за граѓаните се ставени во пробна функција.
Две електрични возила започнаа да возат низ паркот, плоштадот и пешачките зони, а можат да ги користат сите граѓани, а секако предност имаат повозрасните и лицата со попреченост.
Возењето е бесплатно и еколошко, воведено по примерот на Љубљана и прво во државата.
„Мои сограѓани, користете го овој бенефит и уживајте во нашата убава Струмица. Од срце за Струмица и ќе ја правиме уште поубаво место за живеење“, истакна градоначалникот Костадинов.
