Српската православна црква денеска ги продолжува активностите поврзани со дневниот ред на пролетната сесија на саборот. По Сремски Карловци вчера, каде се одржа централната прослава по повод стогодишнината од воспоставувањето на Српската патријаршија, денеска свештените лица ќе одат во Белград.
Според српски Курир, кој се повикува на извори од СПЦ, една од темите на саборот е и признавањето на МПЦ ОА од страна на Вселенската патријаршија, поточно една од темите е ставот што треба кон ова прашање да го заземе СПЦ, дополнително што за тоа веќе било преговарано изминативе месеци на ниво на поглаварите на двете цркви, на почетокот на овој месец во Ниш.
И уште неколку други српски медиуми повикувајќи се на неофицијални извори пишуваат дека СПЦ ќе ја потврди одлуката на Вселенскиот патријарх Вартоломеј, кој на 9 мај ја призна црковната јерархија предводена од Архиепископот Стефан за канонска и валидна во сеправославниот свет и дека со тоа воспоставува канонско и литургиско општење со неа.