Времето денеска ќе биде сончево и топло со мала до умерена облачност. Попладне ќе има локален развој на нестабилна облачност со пороен дожд и грмежи. Минималната температура ќе биде во интервал од 13 до 20, а максималната од 27 до 34 степени. УВ индексот ќе изнесува осум.
Според УХМР, во петок ќе има изолирана појава на краткотрајна нестабилност. Во деновите од викендот ќе дува засилен, долж Повардарието и во источните делови повремено силен ветер од северен правец (над 60 километри на час) што ќе услови намалување на дневната температура. Од понеделник дневните температури ќе бидат во позначителен пораст.