Третиот меѓународен музички фестивал на „Полихимнија“ донесе нови награди за струмичките млади пијанисти од музичкото училиште „Боро Џони“.
Прва награда за Јулијана Јанев од класата на професорот Зоран Мазнејков, како и прва награда за Јован Филев и Андреј Филев од класата на професорката Милка Ганчева.
Втора награда освои Васка Стојанов од класата на професор Зоран Мазнејков, Сара Витанова и Стојанчо Јованов од класата на професор Александар Бончев.
Втора награда освои и Димитар Филев од класата на професорката Милка Ганчева.
Васил Јанков од класата на професор Бончев освои трета награда.
Трета награда освои и младата пијанистка Тина Иванова од класата на професорката Милка Ганчева.
Меѓународниот фестивал на Полихимнија е манифестација која традиционално се одржува трета година по ред во втората половина од месец март низ концертните сали ширум главниот град. Учество земаат ученици и студенти од Република Северна Македонија, соседните земји, но и учесници од Европските земји. Оваа година фестивалот ќе се одржи во Скопје од 27.03.2018 до 01.04.2018 година.
Oваа година ќе бидат застапени повеќе категории на инструменти за соло и камерна изведба ( пијано, флејта, виолина,виолончело, труба, кларинет, соло пеење ).
Првиот Меѓународен фестивал Полихимниа се одржа од 17.03.2016 до 21.03.2016 година во КИЦ во Скопје, а програмата беше збогатена со учество на проф. Јелена Тихомировиќ и проф. Метод Сирониќ познато камерно дуо од Хрватска кои го отворија првиот фестивал со целовечерен концерт, беа дел од меѓународното жири на фестивалот, а гостинот од Хрватска одржа семинар по флејта.