Вчера се навршија 27 години од смртта на Видое Подгорец, најплодниот македонски литерат за деца и возрасни, автор на книгите „Белото Циганче“, „Ајдучка чешма“, „Прости ми канаринке“, „Шумскиот разбојник“, „Весела азбука“ и на уште стотина други.
По тој повод, денес, со пригодна програма и положување свежо цвеќе пред бистата на поетот, струмичкото ООУ „Видое Подгорец“ го одбележа својот патрон празник.
Од името на Општина Струмица членовите на Советот на општина Струмица Александар Ненчев и Танкица Митрева положија свежо цвеќе пред бистата на Видое Подгорец која се наоѓа во училишниот двор.
