Министерството за правда на САД побара итна наредба за блокирање на објавувањето на книгата на Џон Болтон, пренесува „Њујорк пост“.
Со наредбата формално ќе биде издазена забрана за објавувањето на бомбите на поранешниот советник за национална безбедност во Белата куќа, потег што издавачот на Болтон, „Сајмон и Шустер“, го нарече политички мотивирана вежба за залудност.
Итната наредба ќе ја засили правната битка на Белата куќа против Болтон откако администрацијата на Трамп во вторникот поднесе граѓанска тужба против него, барајќи од судот да го одложи предвиденото објавување на 23 јуни.
„Вечерашнoво барања на владата е несериозна, политички мотивирана вежба за залудност“, се вели во изјавата на „Сајмон и Шустер“. „Стотици илјади примероци од „Собата каде што се случи тоа“на Џон Болтон се веќе дистрибуирани низ целата земја и во светот. Забраната, како што бара владата, нема да постигне ништо “.
„Сајмон и Шустер“ ја промовирата книгата на Болтон како „книгата што Доналд Трамп не сака да ја прочитате“, ветувајќи дека е полна со срамни и контроверзни приказни од времето на Болтон во Белата куќа.
Џон Ратклиф, директорот на националното разузнавање на Трамп, во средата вечерта издаде изјава во која се вели дека „неовластеното откривање класифицирани информации ѝ штети на нашата национална безбедност и ги загрозува изворите и методите на кои разузнавачката заедница се потпира за да го заштити американскиот народ“.
извор: makfaks