• Mon. May 20th, 2024

Матурантите од струмичките средни училишта танцуваа квадрил четворка

Матурантите од струмичките средни училишта денеска точно напладне го одиграа танцот квадрил четворка. По осми пат тие беа дел од Матурската парада која секоја година се одржува традиционално за матурантите од Европа. Со исти чекори, осум минути го играа квадрилот од опера на Јохан Штраус, а сите беа со една мисла-како заедно да му се спротистават на насилството.

Струмичките матуранти полнолетството го прославија играјќи синхронизирано со илјадници нивни врсници од Скопје, Струга, Охрид, Гевгелија, Валандово и Неготино и уште 120 градови од 15 држави од Европа.Матурската парада во Македонија се одржува десетта година по ред, а нашите матуранти по осми пат ја претставија Струмица на најголемиот масовен валцер.

Матурската парада за прв пат се одржува во Љубљана во 2001 година, а сите заедно и годинава ќе се обидат да го урнат Гинесовиот рекорд во групно танцување.