По петок и сабота по 17 пат се одржуваат деновите на Подгорец
На 16 и 17 ноември, петок и саботаќе се одржат 17 по ред „Средби под јаворите – Видое Подгорец“, манифестација во чест на ликот и делото на еден од најпознатите и најплодни писатели за деца во македонската книжевност.
Манифестацијата започнува со советување на тема: „Употребната вредност на литературата за деца во списанијата Росица, Другарче, Развигор и Наш свет, во организација на издавачката куќа „Просветно дело“, наменета за наставниците од основното образование. Предавачи ќе бидат универзитетските професори проф. д-р Снежана Мирасчиева, проф. д-р Снежана Митковска Јованова и проф. д-р Мито Спасовски.
Веднаш по советувањето ќе се одржат книжевни разговори под мотото „Творештвото на Видое Подгорец – патоказ за современата литература за деца“. На разговорите ќе настапат: Киро Донев, проф. д-р Мито Спасовски, д-р Ана Витанова Рингачева, Ксенија М. Трајчева, Сузана Мицева, Горјан Петрески, Ванчо Полазаревски, Тања Гошева, Весела Богдановиќ, Иван Котев и Ацо Гогов.
Настаните ќе ги модерира и на нив ќе учествува поетот и новинар Ѓорги Калајџиев.
Првпат манифестацијата е одржана на петгодишнината од смртта на писателот Подгорец. Идејата тргнала од Киро Донев еден од долгогодишен пријател и соработнки на Видое, кој повеќе од четири децении бил еден од најблиските луѓе на писателот.
Во рамките на манифестацијата ќе се одржат и две креативни работилници на ученици со писателите, во центарот за култура „Антон Панов“ и во Колешино, родното место на Видое Подгорец.
Организатор на манифестацијата е здружението на граѓани „Средби под јаворите – Видое Подгорец“, заедно со Просветно дело. Настанот е поддржан од општините Струмица и Ново Село, а училишта домаќини се основното училиште „Видео Подгорец“ од Струмица и основното училиште „Видое Подгорец“ од Колешино.
Преку 600 песни на конкурсот „Денови на Подгорец“
Годинава се распиша и литературен конкурс на слободна тема за учениците од основните училишта на која пристигнаа 600 творби од повеќе од 120 училишта од државата.
Конкурсот беше во три категории. Прва – ученици од второ и трето одделение, втора ученици од четврто и петто одделение и трета ученици од шесто до деветто одделение.
Наградени ученици по категории:
Гран при награда на конкурсот:
Илиева Благица 7 одд. ОУ „Никола Карев“ Радовиш
Ментор: Коцева Драгана
Специјална награда (за обид за пишување поема)
Сандра Недановска 9 одд. ОУ „11 Октомври“ Скопје
Прва група категорија
- Теа Митева 3 одд. ОУ „Никола Карев“ – Пробиштип
Ментор: Соња Данилова
2. Леона Марковска 3 одд. ОУ „Елпида Караманди“ – Битола
Ментор: Гордана Угриновска
3. Ружица Паланова 3 одд. ОУ „Видое Подгорец“ – Струмица
Втора категорија
- Елена Велкоска 4 одд ОУ „Лазо Ангеловски“ Скопје
Ментор: Светлана Јосифовска
2. Деспина Грданова 5 одд. ОУ „Блаже Конески“ Велес
Ментор: Светлана Бобевска
3. Ања Мировска 4 одд. ОУ „Живко Брајковски“ – Скопје
Ментор: Лилјана Атанасова
Трета категорија
1.Илија Амбарков 8 одд ОУ„Кирил и Методиј“ Велес
Ментор: Анита Мирчева
2.Јана Костовска 9 одд. ОУ „Јоаким Крчовски“ Скопје
Сара Донева 7 одд. ОУ „Борис Трајковски“
Пофалени:
1.Марија Митева 8 одд. ОУ„Гоце Делчев“ Василево
Ментор Јулијана Малинова
2. Мирјана Василева 8 одд. ОУ„Крсте П. Мисирков“ Радовиш
Ментор Гордана Здравковска
- Марија Николова 4 одд. ООУ „Видое Подгорец“ Колешино
П.У. Мокрино
- 4. Ангела Андоновска 9 одд ОУ „Андреа Савевски – Кикиш“ Тетово
Ментор Елизабета Стојчевска
Давор Трајков 9 одд. ОУ „ Гоце Делчев“ Штип
Ментор: Марија Ристова