Во петок 15.04.2016 во 20.00 часот на сцената на НУЦК “Антон Панов” премиерно ќе биде изведена претставата „Вртелешка“, од Артур Шницлер напишана пред повеќе од еден век .
Делата на Шницлер често се оценети како контроверзни, бидејќи во нив отворено се говори за сексуалноста и антисемитизмот. Шницлер често се смета како креативен еквивалент на Сигмунд Фројд.
Поради големата провокативност и акцентирање на сексуалноста и психоанализата, книгите и драмите на Шницлер во триесетите години на XX век биле забранети од нацистичката партија во Германија и Австрија, и покрај дозата на антисемитизам во делата.
За Шницлер режисерот Кјубрик изјавил: “Тешко е да се најде некој писател кој повистинито ја разбрал човечката душа и кој подлабоко продрел во начинот на којшто луѓето мислат, дејствуваат и постојат…”
Последното дело на Кјубрик “Очи широко затворени” е снимен според романот “Новела за сонот” од Шницлер.