Општина Струмица информира дека за само два дена се исцрпил предвидениот фонд за субвенционирање на купување на велосипеди. Од општината наведуваат дека фондот за субвенционирање за купување нов велосипед во износ од 800 илјади денари е целосно искористен. Комисијата ги разгледала пристигнатите апликации и прифатени се вкупно 229, од кои последна прифатена е апликацијата доставена денеска точно во 10:30 часот. Девет барања се одбиени заради нецелосна документација или неисполнување на критериумите.