Ѓургица беше неверојатно храбра жена, чија што енергија не се намалуваше поради ретката, но сериозна болест, пулмонална хипертензија. Започна многу кампањи, мобилизираше граѓани и хуманитарци, контактираше со здравствени работници и институции.
Откако пред осум години ненадејно ја добила болеста, таа велеше дека се претворила во невидлив инвалид, бидејќи и најмал напор и го одземаше здивот. Се појавуваа сините усни – еден од првите знаци на болеста.
Таа се трудеше јавноста да се запознае со ретките болести, а државата да обезбеди лекови коишто семејствата нема да ги чинат цело богатство. Една од нејзините заложби беше и навремената дијагноза на болеста, бидејќи тоа значи подолг и поквалитетен живот за пациентот.
Ѓургица беше мажена и имаше син.