Академија Пандев ќе бара прегледување на снимката од дуелот со Силекс во Кратово од првиот осминафинален дуел од Купот на Македонија. Тие се изненадени, шокирани и разочарани од главниот судија на натпреварот Игор Стојчевски кој правдата ја делел тенденциозно бидејки не само не само што додели црвен картон на Давид Атанаскоски и на преставникот на клубот Југослав Тренчовски туку упатувал и пцовки на македонскиот репрезентативец Љупчо Дориев и капитенот Сашко Пандев
,,Раководството на Академија Пандев ќе бара прегледување на снимката пред релевантни фактори во ФФМ бидејќи смета судењето на Стојчевски беше крајно тенденциозно. Не сакаме да помислиме дека тој имал намера или инструкции за такво делење на правдата,, стои на официјалниот сајт на Академијата.
Академија Пандев денеска претрпе пораз од Силекс со резултат од 1:0 но патникот во во четвртфиналето од Купот на Македонија ќе се одлучува на реваншот во Струмица на 18 октомври.