Дојде крајот на топлите и долги денови. Сонцето, лесната облека, прошетките на отворено, останаа зад нас. Од сега секојдневие ќе ни бидат чадорите и потоплата облека. Метеоролозите најавуваат облачно време проследено со врнежи и температури кои до крајот на неделава ќе се движат околу 20 степени. По утрешното разведрување, четврток повторно ќе донесе облаци и услови за врнежи. Според метеоролозите од петок доаѓа период на наоблачување и намалување на температурите.
За викендот ќе преовладува облачно време со врнежи од дожд. Во текот на наредната недела температурите постепено ќе почнат да опаѓаат, за во сабота да дојдат до максимални 15 степени, додека утринската температура ќе се спушти на 2 степени.